काठमाडौँ । देशकै मुख्य शत्तिपिठका रुपमा प्रख्यात पशुपतिनाथ मन्दिरको बैंक खातामा दुई अर्ब ७८ करोड रुपैयाँ रहेको छ । मन्दिरको उक्त खातामा मौज्दात रहेको रकम भेटी, भाडा तथा बैंक ब्याजबाट संकलन भएको हो ।

मन्दिरको नाममा बैंकमा चल्ती र बचत खातामा ४१ करोड रुपैयाँ रहेको छ भने अक्षयकोष तथा मुद्धति खातामा २ अर्ब ३७ करोड रुपैयाँ रहेको छ ।

मन्दिरको जग्गा प्रयोग गरेबापत नागरिक उड्डयन प्राधिकरणबाट भाडाबापत मन्दिरलाई वार्षिक १ करोड रुपैयाँ आम्दानी हुने पशुपति क्षेत्र विकास कोषका सदस्यसचिव राजकुमार खत्रीले बताएका छन् ।

खत्रीका अनुसार मन्दिरलाई तारागाउँ विकास समितिबाट पनि वार्षिक ४९ हजार रुपैयाँ भाडावापत प्राप्त हुन्छ । पशुपति क्षेत्र घुम्न आउने पर्यटकबाट मात्रै दैनिक ५ देखि ६ लाख सम्म भेटी संकलन हुने खत्रीले बताएका छन् । मन्दिरले सटर पसल भाडाबाट पनि राम्रै आम्दानी गर्दै आएको छ ।