काठमाडौं । साताको कारोबारको चौथो दिन बुधबार सेयर बजार मापक नेप्से परिसूचक झिनो अंकले बढेको छ । मंगलबारको तुलनामा नेप्से परिसूचक २.६० अंकले बढेर १९८८.०४ बिन्दुमा पुगेको हो ।
बुधबार नेप्सेमा कुल २९२ कम्पनीको १ करोड २० लाख ९५ हजार ५ सय ३९ कित्ता सेयर खरिद बिक्री हुँदा ३ अर्ब ९० करोडमाथिको सेयर कारोबार भएको छ । आज सबैभन्दा बढी कारोबार सोनापुर मिनिरल्स एण्ड आयल लिमिटेडको भएको छ । यस कम्पनीको १४ करोड ६७ लाख ९३ हजार १ सय ५६ रुपैयाँ ३० पैसा बराबरको सेयर कारोबार भएको छ ।
यस्तै बुधबारको सेयर बजारमा सबैभन्दा बढी नाफा बोटलर्स नेपाल (बालाजु) लिमिटेडका लगानीकर्ताले कमाएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा मोलुङ हाइड्रोपावर, घलेम्दी हाइड्रो, ८.५% सानिमा डेबेञ्चर २०८७, मानुषी लघुवित्त वित्तीय संस्था र सिटिजन्स म्युचुअल फण्ड-२ का लगानीकर्ताहरु पनि मालामाल भएका छन् । हेर्नुहोस् बुधबारको सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच बुधबारको सेयर बजारमा सबैभन्दा बढी कारोबार सोनापुर मिनिरल्स एण्ड आयल लिमिटेडको भएको छ । यस कम्पनीको १४ करोड ६७ लाख ९३ हजार १ सय ५६ रुपैयाँ ३० पैसा बराबरको सेयर कारोबार भएको छ । यस अलावा शिवम् सिमेन्ट, अरुण काबेली पावर, रिलायबल नेपाल लाइफ इन्स्योरेन्स, हाथवे इन्भेस्टमेन्ट र हिमालयन लाइफ इन्स्योरेन्समा पनि अत्याधिक कारोबार भएको छ । हेर्नुहोस् बुधबारको सेयर बजारमा सर्वाधिक कारोबार हुने कम्पनीहरूको सूचीः
यस्तै बुधबारको सेयर बजारमा कुथेली बुखरी स्माल हाइड्रोपावरका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ५ प्रतिशतभन्दा धेरैले घटेको हो । कुथेली बुखरी स्माल हाइड्रोपावरमा यस्तो गिरावट आउँदा सुपर माई हाइड्रोपावर, सानिमा जिआइसी इन्स्योरेन्स, इमेर्जिंग नेपाल लिमिटेड र पिपुल्स हाइड्रोपावरमा पनि उच्च गिरावट देखिएको छ । हेर्नुहोस् बुधबारको सेयर बजारमा सबैभन्दा बढी गुमाउने कम्पनीहरुको सूचीः
