काठमाडौँ । चालु आर्थिक वर्षको पछिल्लो चार महिनामा नेपालबाट ५० करोडको यार्सागुम्बा निर्यात भएको छ । आर्थिक वर्ष २०८०/८१ को पहिलो चौमासिकमा नेपालबाट १ सय ५३ किलो यार्सागुम्बा निर्यात भएको हो । नेपालबाट यार्सागुम्बा विश्वका विभिन्न १५ देशमा निर्यात भएको छ ।

नेपालबाट निर्यात हुने यार्सागुम्बा सबैभन्दा धेरै हङकङमा निर्यात भएको छ । पछिल्लो चार महिनामा नेपालबाट हङकङमा २३ करोड ३० लाख रुपैयाँ बराबरको यार्सागुम्बा निर्यात भएको छ ।

त्यस्तै, चीनमा १८ करोड ३० लाख, कम्बोडियामा ३ करोड ८ लाख, सिंगापूरमा १ करोड २८ लाख र भियतनाममा ३ करोड ४० लाखको यार्सागुम्बा निर्या भएको भन्सार विभागको तथ्यांकमा उल्लेख छ ।

यी मुलुकसँगै नेपालबाट जापान, मंगोलिया, रुस, बेलायत, मलेसिया, अस्ट्रेलिया र अमेरिका लगायतका देशमा समेत यार्सागुम्बा निर्यात हुँदै आएको छ ।