काठमाडौं । बेष्ट फाइनान्स कम्पनी लिमिटेडले संस्थापक सेयर बिक्रीमा ल्याएको छ । कम्पनीले माघ ४ गतेदेखि संस्थापक सेयरधनीको स्वामित्वमा रहेको एक लाख ५ हजार ५ सय ३३ कित्ता सेयर बिक्रीमा ल्याएको हो ।

उक्त सेयरमा फाइनान्सका सेयरधनीले मात्र आवेदन दिन सक्नेछन् । आवेदन आगमी ३५ दिनभित्र फाइनान्सको प्रधान कार्यालय कमलादी, काठमाडौँमा आफुले खरिद गर्न चाहेको सेयर सङ्ख्या खुलाई पेश गर्नुपर्ने छ ।

सो अवधिमा संस्थापक सेयरधनीबाट आवेदन नपरेमा सर्वसाधारण लगानीकर्ताका लागि बिक्री खुला गरिने कम्पनीले जनाएको छ ।