काठमाडौँ । भाटभटेनी डिपार्टमेन्ट स्टोरले कर छलेको सर्वोच्च अदालतले ठहर गरेको छ । नक्कली भ्याट बिल बनाएर भाटभटेनीले राज्यलाई तिर्नुपर्ने कर छलेको अदालतले ठहर गरेको हो ।

भाटभटेनी स्टोरमाथि नक्कली भ्याट बिल बनाएर कर छलेको आरोपमा यसअघि नै सर्वोच्चले गरेको फैसला न्यायाधीशहरु डा.कुमार चुडान, टेकप्रसाद ढुंगाना र बालकृष्ण ढकालको इजलासले सदर गरेको हो ।

योसँगै अब भाटभटेनीले कर, जरिवाना र ब्याज बापत २ अर्ब रुपैयाँ रकम राज्यकोषमा बुझाउनुपर्ने भएको छ ।