काठमाडौं । एक वर्षमा देश छोड्ने नेपालीको संख्या १६ लाख नाघेको छ । अध्यागमन विभागको तथ्यांक अनुसार एक वर्षमा १६ लाख ३ हजार ८ सय ३६ जना नेपाली विदेशिएका छन् । जसमा महिलाको संख्या ४ लाख ३२ हजार ५८४ रहेको छ भने पुरुषको संख्या ११ लाख ७१ हजार १८६ जना रहेको छ ।

पछिल्लो समय देशमा रोजगारीको वातावरण नभएको र उच्च शिक्षाका लागि भन्दै विदेशिने नेपालीको संख्या बढेको छ । विभागका अनुसार  वैदेशिक रोजगारीका लागि ७ लाख २३ हजार ७८९ जना पुरुष र ८४ हजार ६०४ जना महिला गरी कुल ८ लाख ८ हजार ४१५ जना विदेश गएका छन् ।

त्यस्तै, पर्यटक भिसामा २ लाख ४ हजार ५१८ जना विदेशसिएका छन् । जसमा पुरुष १ लाख ३० हजार ९२६ र महिला ७३ हजार ५७५ जना रहेका छन् अध्ययनका लागि  १ लाख ८ हजार ५४२ जना विदेशिएको विभागले जनाएको छ ।