काठमाडौं । वैदेशिक रोजगारीको प्रलोभनमा पारेर रकम ठगी गर्ने दुई जना पक्राउ परेका छन् । पक्राउ पर्नेमा ४२ वर्षीय ललन कुमार राई र ३२ वर्षीय दिपेन्द्र राई रहेका छन् । उनीहरुलाई काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले पक्राउ गरेको हो ।

ललन कुमार राईले ५ जनालाई दुबई पठाईदिने भन्दै ७ लाख २० हजार रुपैयाँ ठगी गरेका थिए । त्यस्तै, दिपेन्द्र राईले क्रोएसिया पठाईदिने भन्दै पीडितबाट पटक पकट गरी ५ लाख रुपैयाँ ठगी गरेका थिए ।

पक्राउ परेका दुबैजनालाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।