काठमाडौँ । कार्टुनिष्ट रवि मिश्रले काठमाडौँको नयाँ बानेश्वरमा सुरु गरेको एकल कार्टुन प्रदर्शनी ‘डिपेक्सन’ सकिएको छ । नयाँ बानेश्वरको एनबी सेन्टरमा रहेको उमोजा कफीमा माघ ४ गतेदेखि सुरु भएको कार्टुन प्रदर्शनी माघ १४ गते (आइतबार) सकिएको हो ।
प्रदर्शनीमा मिश्रले ३५ वटा कार्टुन राखेका थिए । प्रदर्शनीमा राखिएको कार्टुनहरुमा समाजको दृश्य उतारेको मिश्रको भनाई छ । १७ वर्षदेखि काुर्टन बनाइरहेका मिश्रले हालसम्म तीन हजारभन्दा धेरै कार्टुन बनाइसकेका छन् । मिश्रका अनुसार ‘डिपेक्सन’ नाम दिइएको एकल कार्टुन प्रदर्शनीमा उनले पछिल्लो पाँच वर्षमा बनाएका कार्टुनहरु राखिएको थियो ।
कार्टुन प्रदर्शनी सकिएसँगै मिश्रले पत्रिका र आर्ट ग्यालरीमा देखाइँदै आएको कार्टुनलाई नियमित स्पेसबाट बाहिर ल्याउने प्रयास सफल भएको बताएका छन् । तस्वीरमा हेर्नुहोस् मिश्रको एकल कार्टुन प्रदर्शनीमा राखिएका कार्टुनहरुः
