काठमाडौं । छिमेक लघुवित्त वित्तीय संस्था लिमिटेडको २२औंं वार्षिक साधारणसभा सम्पन्न भएको छ । सभा पौष २९ गते आइतबार वित्तीय संस्थाका अध्यक्ष रामचन्द्र जोशीको अध्यक्षतामा सम्पन्न भएको हो ।
सभाले सेयरधनीहरुलाई आर्थिक वर्ष २०७९/८० को मुनाफाबाट १० प्रतिशत नगद लाभांश र ५ प्रतिशत बोनस शेयर गरी कुल १५ प्रतिशत लाभांश प्रदान गर्ने निर्णय गरेको छ । त्यसैगरी लघुवित्तको चुक्ता पूँजी रु २ अर्ब ८३ करोड ५४ लाख २ हजारबाट बृद्धि गरी २ अर्ब ९७ करोड ७१ लाख ७२ हजार १०० पुर्याउने निर्णय समेत साधारणसभाले गरेको छ ।
संस्थाले हाल ६९ जिल्लामा १९७ वटा शाखा मार्फत कुल ४ लाख १९ हजार ८ सय १९ जना महिला सदस्यहरुलाई लघुवित्त कार्यक्रम मार्फत सेवा दिइरहेको छ ।
२०५८ सालमा स्थापना भएको यस संस्थाले आर्थिक वर्ष २०७९/८० मा १ अर्ब २ करोड ५० लाख ३ हजार १९५ रुपैंया ९३ पैसा खुद मुनाफा आर्जन गर्न सफल भएको छ ।
