काठमाडौं । वैदेशिक रोजगारीको प्रलोभन देखाएर रकम ठगी गर्ने दुई जना पक्राउ परेका छन् । पक्राउ पर्नेमा २५ वर्षीय उज्वलराज पाण्डे र २९ वर्षीय अजय थापा र रविन थापा भनेर चिनिने कोषराज नेपाली रहेका छन् ।
उनीहरुलाई काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले पक्राउ गरेको हो ।
उज्वलराज पाण्डेले बिबेक सुनार सहित ३ जनालाई ओमन पठाईदिने भन्दै ५ लाख ३० हजार रुपैयाँ ठगी गरेका थिए । त्यस्तै, कोषराज नेपालीले क्रोएसिया पठाईदिने भन्दै १० लाख रुपैयाँ ठगी गरेका थिए ।
पक्राउ परेका दुवै जनालाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।
