काठमाडौं । वैदेशिक रोजगारीका लागि पोर्चुगल पठाईदिने भन्दै रकम ठगी गर्ने एक जना पक्राउ परेका छन् । नुवाकोट जिल्ला लिखु गाउँपालिका वडा नं.०४ घर भई हल काठमाडौँ जिल्ला तारकेश्वर नगरपालिका नेपालटार बस्ने २४ वर्षीय रोजिन न्यौपाने पक्राउ परेका हुन् ।

उनले आकर्षक तलब हुने प्रलोभन देखाएर १२ लाख रुपैयाँ ठगी गरेका थिए । उनलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले माघ १० गते माछापोखरीबाट पक्राउ गरेको हो ।

पक्राउ परेका न्यौपानेलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।