काठमाडौं । वैदेशिक रोजगारीका लागि मकाउ पठाईदिने भन्दै रकम ठगी गर्ने एक जना पक्राउ परेका छन् । काठमाडौं महानगरपालिका वडा नं. ०३ महाराजगंज बस्ने ५३ वर्षीय पृथ्वी राज सिग्देल पक्राउ परेका हुन् ।

उनले मनिराम तिमिल्सिनालाई मकाउ पुगेपछि आकर्षक तलब हुने प्रलोभनमा परेर दुई लाख ७० हजार रुपैयाँ ठगी गरेका थिए । उनलाई काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले दरबारमार्गबाट पक्राउ गरेको हो ।

पक्राउ परेका सिग्देललाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।