काठमाडौँ । भारतको अडानी ग्रुपले नेपालका अन्तराष्ट्रिय विमानस्थल निर्माण तथा सञ्चालनमा चासो देखाएको छ । भारतमा अर्थमन्त्री डा.प्रकाशशरण महतसहँग भएको भेटमा अडानी ग्रुपका प्रमुख गौतम अडानीले नेपालको निजगढ अन्तराष्ट्रिय विमानस्थल निर्माण तथा गौतमबुद्ध अन्तराष्ट्रिय विमानस्थल लगायतका विमानस्थल सञ्चालनमा चासो देखाएका हुन् ।
‘भाइब्रेट गुजरात समिट २०२४’ मा सहभागी हुन भारत गएका अर्थमन्त्री डा.प्रकाशशरण महतसँग गौतम अडानीले नेपालका अन्तराष्ट्रिय विमानस्थल निर्माण तथा सञ्चालनमा चासो देखाएका हुन् ।
यतिसम्म कि अडानीले नेपाल सरकारले सहजीकरण गरेको अवस्थामा निजगढ विमानस्थल निर्माण र भैरहवा लगायतका विमानस्थल नाफामा सञ्चालन गर्न सक्ने दाबी गरेका थिए । उनले नेपालमा प्रतिस्पर्धाका आधारमा अयोजना दिँदा सस्तोमा कमजोर कम्पनीले काम लिने र सम्पन्न गर्न नसक्ने समस्या देखिएको पनि बताएका थिए ।
त्यस्तै, उनले नेपालका अन्तराष्ट्रिय विमानस्थल निर्माण तथा सञ्चालनको जिम्मेवारी पाए निर्धारित समयमै काम सम्पन्न गर्ने दाबी पनि गरेका छन् ।
