काठमाडौँ । कृषि विकास बैंकले ब्याजदर घटाएको छ । बैंकले माघ महिनाको लागि ब्याजदर घटाएको हो । 

योसँगै बैंकले माघ महिनामा व्यक्तिगत मुद्दती निक्षेपमा ७.२६० प्रतिशत र संस्थागत मुद्दती निक्षेपमा ५.२६० ब्याजदर निर्धारण गरेको छ । त्यस्तै, बैंकले रेमिट्यान्स मुद्दतीमा ८.२६० प्रतिशत ब्याजदर तोकेको छ । बैंकले यसअघि अर्थात पुष महिनामा व्यक्तिगत मुद्दतीमा ९.०१२, संस्थागततर्फ ७.०१२ र रेमिट्यान्स मुद्दतीमा १०.०१२ प्रतिशत ब्याज दिँदै आएको थियो ।

त्यस्तै, बैंकले माघमा साधारण बचत खातामा न्यूनतम ४ प्रतिशतदेखि ५.७५० प्रतिशत ब्याजदर तोकेको छ । माघ महिनामा बैंकले कर्जा प्रवाह गर्दा भने आधारदरमा अधिकतम ५ प्रतिशतसम्म प्रिमियम तोक्नेछ ।