काठमाडौँ । कुमारी बैंकले पनि माघ महिनाका लागि ब्याजदर घटाएको छ । बैंकले माघ १ गतदेखि लागू हुनेगरी निक्षेपको ब्याजदर घटाएको हो ।
बैंकले सार्वजनिक गरेको नयाँ ब्याजदरअनुसार माघ महिनामा बैंकले व्यक्तिगत मुद्दति निक्षेपमा न्यूनतम ६.५० प्रतिशत र अधिकतम ८.११ प्रतिशत ब्याज दिने भएको छ ।
त्यस्तै, बैंकले संस्थागत मुद्दति निक्षेपमा भने न्यूनतम ५.२५ प्रतिशतदेखि अधिकतम ६.११ प्रतिशत ब्याज दिने भएको छ । यसअघि अर्थात पुषमा (हाल) बैंकले व्यक्तिगत मुद्दती निक्षेपमा अधिकतम ९.३१ प्रतिशत र संस्थागत मुद्दति निक्षेपमा ७.३१ प्रतिशत ब्याज दिइरहेको छ ।
यसअघि एनआईसी एशिया बैंकले पनि माघ महिनाको लागि ब्याजदर घटाइसकेको छ । एनआईसी एशिया बैंक र कुमारी बैंकपछि अन्य बैंकहरु पनि ब्याजदर घटाउने तयारीमा छन् ।
