काठमाडौं । माल्टा पठाईदिन्छु भन्दै रकम ठगी गर्ने एक जना महिला पक्राउ परेकी छिन् । पाल्पा जिल्ला बग्नासकाली गाउँपालिका वडा नं. १ घर भई हाल काठमाडौं महानगरपालिका वडा नं. १५ स्वयम्भु बस्ने मायादेवी राना पक्राउ परेकी हुन् ।

उनले दिपक राज कंडेललाई वैदेशिक रोजगारीका लागि माल्टा पठाईदिन्छु भन्दै ४३ लाख ठगी गरेकी थिईन् । उनलाई काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले स्वयम्भुबाट पक्राउ गरेको हो ।

पक्राउ परेकी रानालाई थप अनुसन्धान तथा आवश्यक कारवाहीका लागि वैदेशिक रोजगार विभाग ताहाचल पठाईएको प्रहरीले जनाएको छ ।