काठमाडौँ । माल्टा पठाईदिन्छु भन्दै रकम ठगी गर्ने व्यक्तिलाई प्रहरीले पक्राउ गरेको छ । पक्राउ पर्नेमा पोखरा महानगरपालिका घर भई हाल जिल्ला काठमाडौंको बुढानिलकण्ठ नगरपालिका–१ सुन्दरबस्ती बस्ने प्रकाश गुरुङ रहेका छन् ।

उनले दिपक राज कडेंललाई वैदेशिक रोजगारीको लागि माल्टा पठाईदिन्छु भन्दै छ लाख अठार हजार रुपैयाँ ठगी गरेका हुन् । उनले भाईभाई भन्दै अन्यलाई पनि माल्टा पठाउने प्रलोभन देखाएका ठगी गरेको आरोप लागेको छ । यद्यति उनीमाथि थप अनुसन्धान गरिरहेको प्रहरीले जनाएको छ ।

रकम लिई सम्पर्कविहीन रहेका उनलाई प्रहरीले नयाँ बानेश्वरबाट पक्राउ गरी थप अनुसन्धान तथा कारवाहीको लागि वैदेशिक रोजगार विभाग ताहाचल पठाइसकेको छ ।