काठमाडौं । रियल गोर्खा बचत तथा ऋण सहकारी संस्थाका अध्यक्षसहित दुई जना पक्राउ परेका छन् । सहकारीको १२ करोड रकम हिनामिना गरी फरार रहेका अध्यक्ष हर्क बहादुर कठायत र सदस्य विनोद कुमार ओझालाई प्रहरीले पक्राउ गरेको हो ।

उनीहरुलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले पक्राउ गरेको हो ।

उनीहरूले सहकारीका बचतकर्ताको १२ करोड ३५ लाख ४८ हजार २०२ रुपैयाँ हिनामिना गरी फरार रहेको प्रहरीले जनाएको छ । उनीहरुलाई निक्षेपकर्तालाई आर्कषक ब्याजदर दिन्छु भनी प्रलोभनमा परेर रकम ठगी गरेको आरोप लागेको छ ।

पक्राउ परेका उनीहरुको आवश्यक अनुसन्धान भईरहेको प्रहरीले जनाएको छ ।