काठमाडौँ । दुबईबाट भित्री वस्त्रमा सुन लुकाएर नेपाल ल्याउने श्रीलंकन महिला पक्राउ परेकी छिन् । गएराति १ बजे त्रिभुवन अन्तराष्ट्रिय विमानस्थलबाट ४५ वर्षीया श्रीलंकन महिला कान्थामात्रे काभास्करलाई पक्राउ गरिएको हो ।
फ्लाई दुबईको एफजेड ५७३ नम्बरको विमानमार्फत नेपाल आएकी ती महिलाले भित्र वस्त्रभित्र लुकाइछिपाई अवैध सुन ल्याएको पाइएपछि पक्राउ गरिएको त्रिभुवन अन्तराष्ट्रिय विमानस्थलका डिआईजी अर्जुन चन्दले जानकारी दिएका छन् ।
चन्दका अनुसार ती महिलाको साथबाट एक किलो ३०० ग्राम अवैध सुन बरामद गरिएको छ । हाल ती महिलामाथि थप अनुसन्धान भइरहेको विमानस्थल भन्सार कार्यालयले जनाएको छ ।
