काठमाडौँ । ६१ किलो सुन तस्करी प्रकरणमा उच्च अदातल पाटनले ६ जनालाई धरौटीमा छोड्न आदेश दिएको छ । न्यायधीशद्वय धीरबहादुर चन्द र कृष्णराम कोइरालाको संयुक्त इजलासले ६ जना आरोपीलाई धरौटीमा छोड्न आदेश दिएको हो ।

अलादतको आदेशसँगै अब त्रिभुवन अन्तराष्ट्रिय विमानस्थल भन्सारका अधिकृत गणेशप्रसाद पौडेल र नायब सुब्बा वीरेन्द्र नेपाली ५/५ लाख धरौटी तिरेर छुट्ने भएका छन् ।

त्यस्तै, भन्सार एजेन्ट यादव पराजुली र सुदर्शन गौतमलाई २ लाख धरौटीमा छाड्न अदालतले आदेश दिएको छ भने कार्गोका एजेन्ट पुष्करराज भट्ट र अर्का एकजनालाई एक–एक लाख धरौटीमा छाड्न अदालतले आदेश दिएको छ । ६१ किलो सुन तस्करी प्रकरणमा प्रहरीको केन्द्रीय अनुसन्धान ब्यूरोको प्रतिवेदनअनुसार जिल्ला अदालत काठमाडौँले २९ जनालाई दोषी देखाएको थियो ।

ती मध्ये एक जना जिल्ला अदालतबाटै धरौटीमा छुटिसकेका छन् । हाल उक्त प्रकरणमा संलग्न थप तीन जना भने अहिलेसम्म पनि फरार छन् ।