काठमाडौँ । सोमबार देशभरका फिल्म हल बन्द हुने भएका छन् । सरकारले अव्यवहारिक कर लगाएको भन्दै उक्त कर खारेजीको माग गर्दै सोमबार (माघ २२) गते देशभरका फिल्म हल बन्द हुने भएका हुन् ।

मूल्य अभिवृद्धि कर बाहेक सरकारले अव्यवहारिक कर लगाएको भन्दै नेपाल चलचित्र संघले कर खारेजीको माग गर्दै फिल्म हल बन्द गर्ने निर्णय गरेको थियो । संघको सोही निर्णय अनुसार देशभरका फिल्म हल सोमबार बन्द हुने भएका हुन् ।

सरकारले करको नाममा फिल्म हलहरुलाई ३३ प्रतिशतभन्दा बढी कर तिर्न बाध्य पारेको भन्दै चलचित्र संघले मूल्य अभिवृद्धि कर बाहेक अन्य कर खारेजीको माग गरेको छ । सरकारले मूल्य अभिवृद्धि कर बाहेल लगाएको अरु सबै कर अव्यवहारिक भएको संघको भनाई छ ।