">
काठमाडौँ । थाइल्याण्डमा कपाल काट्न गएका एक पुरुषले हजामकै कपाल खौरिदिएको घटना अहिले चर्चामा छ ।
थाइल्याण्डको पट्टायामा बिदा मनाउन गएका एकजना रुसी पर्यटकले हजामकै कपाल खौरिदिएका हुन् । हजामले काटेको कपाल चित्त नबुझेपछि ती पुरुषले रिसको झोकमा हजामकै कपाल खौरिदिएको अन्तराष्ट्रिय सञ्चार माध्यमले जनाएका छन् ।
अन्तराष्ट्रिय सञ्चार माध्यमका अनुसार राम्रोसँग अंग्रेजी बोल्न नआउने ती पुरुषले हातको इसाराले कपाल काट्न निर्देशन दिइरहेका थिए । तर, अन्त्यमा कपाल आफूले भनेको जस्तो नभएपछि पैसा नतिरी उल्टै हजामकै कपाल खौरिदिएका हुन् ।
हाल ती पर्यटकविरुद्ध हजामले प्रहरीमा उजुरी दिएका छन् ।
