काठमाडौं । हिमालयन एभरेष्ट इन्स्योरेन्स लिमिटेडको ३०औं वार्षिक साधारणसभा सम्पन्न भएको छ । सभा माघ २५ गते बानेश्वर थापागाउँ, स्थित बानेश्वर ब्याङक्वेटमा सम्पन्न भएको हो ।
उक्त साधारणसभामा सेयरधनीहरुको उल्लेख्य उपस्थिति थियो । कम्पनीले गत आर्थिक वर्षको मुनाफाबाट सेयधनीहरुलाई ६.३७ प्रतिशत बोनश सेयर र नगद लाभांश ८.६३ प्रतिशत गरी कुल १५ प्रतिशत लाभांश वितरण गर्ने निर्णय पारित गरेको छ ।
संचालक समितिका अध्यक्ष महेन्द्र कृष्ण श्रेष्ठको सभापतित्वमा संचालित उक्त कार्यक्रममा संचालकहरु, प्रमुख कार्यकारी अधिकृत विजय बहादुर शाह, कम्पनीका वरिष्ठ अधिकृतहरु तथा अन्य कर्मचारीहरुको समेत उपस्थिति रहेको थियो ।
उक्त कार्यक्रमको अध्यक्ष महेन्द्र कृष्ण श्रेष्ठले साधारणसभामा सेयरधनीहरुले राखेको जिज्ञासा तथा सुझावहरुको जवाफ दिएका थिए । मर्जर पछिका विभिन्न व्यवधानहरुको सामना गर्दै कम्पनीले हासिल गरेको उल्लेख्य प्रगति र चालु आर्थिक वर्षका सुचांकहरु समेत उत्साहजनक रहेकोले कम्पनीको नेतृत्व तथा सम्पूर्ण टिम प्रति अभार प्रकट गरिएको थियो ।
यसै क्रममा कम्पनीका तर्फबाट राखिएका विभिन्न प्रस्तावहरु पनि पारित भएको छ ।
