काठमाडौं। हिमालयन लघुवित्त वित्तीय संस्था लिमिटेडले बीमा दाबी रकम भुक्तानी गरेको छ । गोदावरी नगरपालिका टीकाभैरवमा रहेको हिमालयन लघुवित्त वित्तीय संस्थाको शाखा कार्यालयले कोन्ज्योसोम गाउँपालिका वडा नं. २ सन्खु घर भएकी मानमाया लामालाई शाखा कार्यालय अन्तर्गत केन्द्र न.०९६ को समूह न.१ बाट १ लाख ५५ हजार रुपैयाँ बिमा रकम उपलब्ध गराएको छ ।
लघुवित्तको सदस्यमा आवद्ध मानमाया लामाको श्रीमान काल सिं. लामाको निधन भएपछि निज सदस्य मानमाया लामालाई कार्यलयले बीमा बापतको रकम उपलब्ध गराएको हो ।
संस्थाले लघु बीमा अन्तर्गत संस्थाले नियमानुसार कर्जाको तिर्न बाँकी सावा ब्याज मिनाहा गरि कर्जा बिमा अन्तर्गत सदस्य मानमाया लामाको पतिको निधन पश्चात् दिईने क्रिया खर्च बापतको २५ हजार रुपैयाँ र कर्जा रकम बापतको १ लाख ३० हजार रुपैयाँ गरी संस्थाले जम्मा १ लाख ५५ हजार रुपैयाँ बीमाबाट प्राप्त भएको, जसमध्ये तिर्न बाँकी रहेको कर्जा रकम ५७ हजार ६ सय बहत्तर रुपैयाँ ७३ पैसा संस्थाले कट्टा गरि बाँकी रहेको रकम ९७ हजार ३ सय २७ रुपैयाँ सत्ताईस पैसा लुम्बिनी विकास बैंक लिमिटेडको चेक मार्फत शाखाको केन्द्र न.९६ का सदस्यहरुको रोहवरमा शाखा प्रबन्धक उज्वल श्रेष्ठले सदस्य मानमाया लामालाई चेक हस्तान्तरण गरेका हुन् ।
त्यस्तै, संस्थाले म्यादी जीवन बीमा कार्यक्रम संचालन गर्दा निकै खुशी भएको भन्दै आफू समस्यामा परेको बेला श्रीमान गुमाउनुको पिडा त छदै छ,यस्तो समस्याको अवस्थामा कर्जा मिनाहा गरी क्रिया खर्च र बिमा बापतको रकम उपलब्ध गराई आफ्नो पिडामा मलम पट्टि संस्थाले लगाएको सदस्य मानमाया लामाले बताईन् ।
बिमााङ्क रकम हस्तान्तरण कार्यक्रममा शाखा प्रबन्धक उज्वल श्रेष्ठ लगायत शाखाका सम्पुर्ण फिल्ड कर्मचारीहरुको उपस्थिति रहेको थियो ।
