काठमाडौँ । क्रेस्ट माइक्रो लाइफ इन्स्योरेन्स लिमिटेडले प्राथमिक सेयर (आईपीओ) जारी गर्ने भएको छ । कम्पनीले आईपीओ निष्कासन गर्ने प्रस्तासहित चैत ५ गतेका लागि साधारणसभा बोलाएको छ ।

कम्पनीको साधारणसभा चैत ५ गते शुभ होटल प्रालि, वीरेन्द्रनगर, सुर्खेतमा बिहान ११ बजेदेखि सुरु हुनेछ । सभामा कम्पनीले आइपीओ जारी गर्ने सम्बन्धमा प्रस्ताव पेश गर्नेछ ।

त्यस्तै, सभामा आर्थिक वर्ष २०७९/८० को नाफा नोक्सान सम्बन्धी हिसाबको विषयमा छलफल हुनेछ भने आर्थिक वर्ष २०८०/८१ का लागि लेखापरीक्षक नियुक्ति र निजको पारिश्रमिक निर्धारण गर्ने एजेण्डा पनि रहने कम्पनीले जनाएको छ । योसँगै सभाले स्वतन्त्र सञ्चाल पनि निर्वाचन गर्नेछ ।