काठमाडौँ । पाँच लाख रुपैयाँ घुस लिएको आरोपमा वडाध्यक्षविरुद्ध भ्रष्टाचार मुद्दा दायर गरिएको छ । अख्तियार दुरुपयोग अनुसन्धान आयोगले बाराको जीतपुरसिमरा उपमहानगरपालिका–३ का अध्यक्ष ताराबहादुर कार्की क्षेत्रीविरुद्ध भ्रष्टाचार मुद्दा दायर गरेको हो ।
वडाध्यक्ष क्षेत्रीविरुद्ध विशेष अदालतमा बुधबार भ्रष्टाचार मुद्दा दायर गरिएको आयोगले जनाएको छ ।
आयोगका अनुसार अध्यक्ष क्षेत्रीले घरबाटो सिफारिस गरिदिने भन्दै सेवाग्राहीसँग घुसबापत पाँच लाख रुपैयाँ लिएका थिए । घुस लिइसकेको अवस्थामा वडाध्यक्ष क्षेत्रीलाई नियन्त्रणमा लिइएको आयोगले जनाएको छ । हाल पक्राउ परेका अध्यक्षविरुद्ध भ्रष्टाचार मुद्दा दायर गरिएको छ ।
