काठमाडौँ । आइजीआई प्रुडेन्सियल इन्स्योरेन्सले नेपाल पुनर्बीका कम्पनीको संस्थापक सेयर बिक्री खुला गरेको छ । इन्स्योरेन्सले ८ फागुन (मंगलबार)देखि आफ्नो स्वामित्वमा रहेको नेपाल पुनर्बीमा कम्पनीको २० लाख कित्ता संस्थापक सेयर बिक्री खुला गरेको हो ।

कम्पनीले बिक्री खुला गरेको संस्थापक सेयरका लागि नेपाल पुनर्बीमा कम्पनीकै संस्थापक सेयरधनीले मात्रै आवेदन दिन सक्नेछन् । उक्त संस्थापक सेयरका लागि चैत्र १२ गतेसम्म आवेदन दिन सकिनेछ ।

आवेदन दिँदा लगानीकर्ताले न्यूनतम मूल्य २८० रुपैयाँ वा सो भन्दा बढी मूल्य कबोल गरी गोप्य शिलबन्दी बोलपत्र पेश गर्नुपर्नेछ । यसअवधिमा संस्थापक सेयरबाट आवेदन नपरेको खण्डमा मात्रै सर्वसाधारण लगानीकर्ताका लागि बिक्री खुला गरिनेछ । आवेदन उक्त सेयरको बिक्री प्रबन्धक ग्लोबल आइएमई क्यापिटल, नक्सालमा पुग्नेगरी पठाउनुपर्नेछ ।