काठमाडौं। नेपाली युवा उद्यमी मञ्चले आइएलओ-सेल परियोजनासँगको सहकार्यमा फागुन १५ गते राष्ट्रिय नीति संवाद २०२४ सम्पन्न गरेको छ । कार्यक्रम होटल हिमालयमा सफलतापूर्वक सम्पन्न भएको हो ।
कार्यक्रमका प्रमुख अतिथि प्रधानमन्त्री तथा मन्त्रिपरिषद्को कार्यालयका सचिव एकनारायण अर्याल थिए भने विशेष अतिथिका रूपमा प्रधानमन्त्री तथा मन्त्रिपरिषद्को कार्यालय तर्फबाट खोमराज कोइरालाको उपस्थिति रहेको थियो ।
उद्धघाटन सत्रमा आभूषण ज्योति कंसाकार, नेपाली युवा उद्यमी मञ्चका स्टार्टअप अध्यक्षले देशमा स्टार्टअपको स्थिति, चुनौति, अवसरहरु र स्टार्टअपहरूको उत्कृष्ट अभ्यासहरू साझा गरेका थिए। कंसाकारले सरकारसँग युवा उद्यमीहरूको दबाबपूर्ण मागलाई जोड दिँदै उनीहरूको आवश्यकतालाई गम्भीरतापूर्वक विचार गर्न आग्रह गरे ।
त्यस्तै, कार्यक्रमको दोस्रो सत्रमा प्यानल छलफल भएको थियो । जसमा धनीराम शर्मा (सहसचिव, अर्थ मन्त्रालय), जिबलाल भुसाल (सहसचिव, उद्योग वाणिज्य तथा आपूर्ति मन्त्रालय), अन्जन श्रेष्ठ (वरिष्ठ उपाध्यक्ष-एफएनसीसीआइ), निविता प्रधान (द्वितीय उपाध्यक्ष नेपाली युवा उद्यमी मञ्च राष्ट्रिय गभर्निङ काउन्सिल), र प्रकाश शर्मा (राष्ट्रिय परियोजना संयोजक, आइएलओ) रहेका थिए ।
छलफलमा सरकार र युवा उद्यमीहरूबीचको सहकार्यलाई बढावा दिने महत्वपूर्ण पक्षहरूमा छलफल भएको थियो । विभिन्न युवा उद्यमीहरू, विद्यार्थीहरू, सञ्चारकर्मीहरू र विशिष्ट अतिथिहरूको उपस्थितिमा, कार्यक्रमले नेटवर्किङ र ज्ञान आदानप्रदानको लागि मञ्च प्रदान गरेको थियो । साझेदार संस्थाहरूको समर्थनले संवादमा महत्त्वपूर्ण मूल्य थपेको आयोजकले जनाएको छ ।
कार्यक्रमको समापन नेपाली युवा उद्यमी मञ्चका अध्यक्ष सहारा जोशीले हार्दिक आभार प्रकट गर्दै, सबै सहभागीहरूलाई कृतज्ञता व्यक्त गर्दै युवाहरूलाई उद्यमशील परिदृश्यमा सशक्त बनाउन निरन्तर सहयोगको महत्त्वमा जोड दिइन्।
