काठमाडौँ । काठमाडौँको दरबारमार्गस्थित क्यासिनो प्यालेसबाट ९ जना पक्राउ परेका छन् । क्यासिनोमा अवैध रुपमा अनलाईनमार्फत सट्टेबाजी गराएको आरोपमा प्रहरीले ९ जनालाई पक्राउ गरेको हो ।
पक्राउ पर्नेहरुमा तीन जना भारतीय र ६ जना नेपाली नागरिक रहेका छन् ।
क्यासिनोको अण्डर ग्राउण्डमा अनलाइनमार्फत सट्टेबाजी गराएको सूचनाका आधारमा छापा मारेर उनीहरुलाई पक्राउ गरिएको प्रहरीले जनाएको छ । पक्राउ परेकाहरुको साथबाट करिब १ करोड रुपैयाँ बरामद गरिएको छ । उनीहरुमाथि थप अनुसन्धान भइरहेको प्रहरीले जनाएको छ ।
