काठमाडौं । वैदेशिक रोजगारीका लागि रोमानिया पठाइदिने भन्दै ५ लाख ७४ हजार रुपैयाँ ठगी गर्ने एक जना पक्राउ परेका छन् । पक्राउ पर्नेमा काभ्रेपलान्चोक जिल्ला तेमाल गाउँपालिका वडा नं. ०१ घर भई हाल काठमाडौं जिल्ला तारकेश्वर नगरपालिका वडा नं. १० बस्ने ३८ वर्षीय श्याम बहादुर भण्डारी रहेका छन् ।

उनले शरण बुढाथोकीलाई आकर्षक तलब सुबिधा हुने प्रलोभन देखाएर रकम ठगी गरेका थिए । उनलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले माघ १९ गते तारकेश्वर नगरपालिका वडा नं.१० बाट पक्राउ गरेको हो ।

पक्राउ परेका भण्डारीलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।