काठमाडौं । वैदेशिक रोजगारीको प्रलोभन देखाएर रकम ठगी गर्ने एक जना पक्राउ परेका छन् । पक्राउ पर्नेमा भक्तपुर मध्यपुर ठिमी नगरपालिका वडा नं. ३ कौशलटार बस्ने ३१ वर्षीय सन्जन प्रजापती रहेका छन् ।
उनले राम प्रसाद साह सहित ७ जनालाई क्रोएसिया पठाईदिन्छु भन्दै प्रतिव्यक्ति १२ लाख रुपैयाँ ठगी गरेका थिए । उनलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले माघ २३ गते कौशलटारबाट पक्राउ गरेको हो ।
पक्राउ परेका प्रजापतीलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।
