काठमाडौं । वैदेशिक रोजगारीका लागि पोर्चुगल लगायतका देश पठाईदिन्छु भन्दै रकम ठगी गर्ने एक जना पक्राउ परेका छन् । पक्राउ पर्नेमा भोजपुर जिल्ला रामप्रसाद राई गाउँपालिका वडा नं. ३ घर भई हाल काठमाडौं महानगरपालिका वडा नं. ३२ काँडाघारी बस्ने ३३ वर्षीय विजय राई रहेका छन् ।
उनले आकर्षक तलबको प्रलोभनमा पारेर पोर्चुगल, दुबई, साउदी अरब र रोमानिया पठाईदिन्छु भन्दै ६ लाख ८८ हजार ठगी गरेका थिए । उनलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले फागुन ६ गते पक्राउ गरेको हो ।
पक्राउ परेका राईलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।
