काठमाडौं । वैदेशिक रोजगारीका लागि रसिया पठाईदिन्छु भन्दै रकम ठगी गर्ने दुई जना पक्राउ परेका छन् । पक्राउ पर्नेमा नागार्जुन वडा नं. १ बस्ने ३० वर्षीय सयन्द्र राई र ललितपुर महानगरपालिका वडा नं. २६ ढोलाहिटी बस्ने ३६ वर्षीय सबिन कुमार राई रहेका छन् ।
उनीहरुले शेर बहादुर तुम्बापोलाई रसिया पठाईदिने भन्दै ६ लाख ५० हजार रुपैयाँ ठगी गरेका थिए । उनीहरुलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले फागुन ११ गते कलंकीबाट पक्राउ गरेको हो ।
पक्राउ परेका उनीहरुलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ।
