काठमाडौँ । कार्यसम्पादन शैलीमा पोखरा महानगरपालिका देशभरमै कमजोर देखिएको छ । प्राकृतिक स्रोत तथा वित्त आयोगले गरेको अनुसन्धानअनुसार देशभरका ६ महानगरमध्ये पोखरा महानगर सबैभन्दा कमजोर देखिएको हो ।

समयमा बजेट पेश गरे/नगरेको, घरजग्गा रजिष्ट्रेशन शुल्क, मनोरञ्जन कर तथा विज्ञापन करबापत उठेको रकममध्ये प्रदेश सरकारलाई मासिक रुपमा ४० प्रतिशत दिए/नदिएको लगायतका कामका आधामा गरिएको मूल्यांकनका आधारमा पोखरा सबैभन्दा कमजोर देखिएको हो ।

वित्त आयोगले आगामी वर्ष वित्तीय समानीकरणको रकम हस्तान्तरणका लागि यस्तो मूल्यांकन गर्ने गर्दछ । जसअन्तर्गत धेरै अंक पाउनेले धेरै रकम पाउँछ भने कम अंक पाउनेले कम रकम पाउँछ ।