">
काठमाडौँ । नेपाल प्रहरीले ठूलो संख्यामा जागिर खुलाएको छ । प्रहरीले जवान, भान्छे, हजाम, कुचिकार र खेलाडीका लागि ठूलो संख्यामा जागिर खुलाएको हो ।
शुक्रबार एक सूचना जारी गर्दै नेपाल प्रहरीले प्रहरी जवान पदमा मात्रै १ हजार ८ सय ५६ जनाका लागि भर्ना खुलाएको छ ।
त्यस्तै, प्रहरीले भान्छे ५३ जना, ७ जना हजाम, २० जना कुचिकार र १४ जना खेलाडीका लागि पनि भर्ना खुलाएको छ । खेलाडीमा प्रहरीले एथलेटिक्स, उसु, भारोत्तोलन, कराँते, तेक्वान्दो, जुडो, भलिबल, फुटबल, टेबल टेनिस र बक्सिङ विधाका लागि दरखास्त आह्वान गरेको छ ।
नेपाल प्रहरीले दरखास्त आह्वान गरेको विभिन्न पदमा फागुन २ गतेदेखि चैत्र ९ गतेसम्म आवेदन दिन सकिनेछ । जवान र प्रहरी कार्यालय सहयोगी पदका लागि सातै प्रदेशका प्रदेश प्रहरी केन्द्र र काठमाडौँका तीन जिल्लासहित सबै जिल्ला प्रहरी कार्यालयहरुमा दरखास्त बुझाउ सकिनेछ । खेलाडीहरुका लागि भने काठमाडौँको महाराजगञ्जस्थित राष्ट्रिय प्रहरी प्रशिक्षण प्रतिष्ठानमा मात्रै दरखास्त बुझाउनुपर्नेछ ।
