काठमाडौँ । नेपाल प्रहरीले प्रहरी सहायक निरीक्षक (असई) पदका लागि ठूलो संख्यामा जागिर खुलाएको छ । प्रहरीले असई पदमा तीन सय ६५ जनाका लागि जागिर खुलाएको हो ।

शुक्रबार नेपाल प्रहरी प्रधान कार्यालय मानवस्रोत विकास विभाग, वृत्ति विकास महाशाखाले एक सूचना जारी पर्दै जनपद प्रहरीतर्फ ठूलो संख्यामा प्रहरी सहायक निरीक्षकको भर्नाका लागि आवेदन माग गरेको हो ।

प्रहरीले माग गरेको असई पदमा खुलातर्फ १९७ जना, अमर अशक्त प्रहरी परिवारका ७ जना, महिला ३२ जना, आदिवासी जनजातितर्फ ५१ जना, मधेशी ४६ जना, दलित २४ जना, पिछडिएको क्षेत्रबाट ८ जना माग गरिएको छ ।