">
काठमाडौं। रिलायबल नेपाल लाइफ इन्स्योरेन्सको वार्षिक साधारणसभा सम्पन्न भएको छ । सभा माघ २९ गते कम्पनीका अध्यक्ष उदय नेपाली श्रेष्ठको अध्यक्षतामा सम्पन्न भएको हो।
सभाले नियमित एजेण्डाहरु सञ्चालक समितिको वार्षिक प्रतिवेदन, आर्थिक वर्ष २०७९/०८० को सहायक कम्पनी रिलायबल इन्भेष्टमेन्ट एण्ड मर्चेण्ट क्यापिटल लिमिटेड सहितको एकिकृत वित्तीय विवरणहरु, लेखापरीक्षकको नियुक्ती सम्बन्धी प्रस्तावहरु पारित गरेको छ । साथै, सेयरधनीहरुलाई १६ प्रतिशत बोनस सेयर र ०.८४ प्रतिसत नगद लाभांश दिने प्रस्ताव पनि पारित गरेको छ ।
वार्षिक साधारणसभाबाट कम्पनीमा पहिलो पटक सर्वसाधारण सेयरधनीहरुको तर्फबाट सञ्चालकहरु डा. भिष्म कार्की र दिवेश लोहनी निर्विरोध निर्वाचित भएका छन् ।
यसै वर्ष सर्वसाधारणमा प्रिमियममा सेयर जारी गरेको कम्पनीको कम्पनीको चुक्ता पुँजी रु. ४ अर्व ६४ करोड पुरा भएको छ ।
