धनगढी । सुदूरपश्चिमको अस्थायी राजधानी धनगढीमा ‘सेयर बजार सम्बन्धी साक्षात्कार कार्यक्रम’ सम्पन्न भएको छ । सुदूरपश्चिमाञ्चल एकेडेमी र भिजन सेक्युरिटिज प्रा.लि. (ब्रोकर नम्बर ३४)को आयोजनामा कार्यक्रम सम्पन्न गरिएको हो ।
कार्यक्रममा प्रमुख प्रशिक्षकका रुपमा रहेका सेयर गुरु सुवासचन्द्र भट्टराईले सहभागी विद्यार्थीहरुलाई सेयर बजारबारे जानकारी दिएका थिए । साथै, विद्यार्थीहरुलाई प्राथमिक सेयर (आईपीओ) भर्न सिकाएको भट्टराईले जनाएका छन् ।
कार्यक्रममा विद्यार्थीहरुको उत्साहजनक उपस्थिति रहेको थियो । सेयर बजारबारे आयोजना गरिएको उक्त कार्यक्रम लाभदायक रहेको विद्यार्थीहरुले बताएका छन् ।
भिजन सेक्युरिटिज प्रा.लिकै आयोजनामा धनगढीकै ओम प्यालेसमा लगानीकर्ता सचेतना कार्यक्रम पनि सम्पन्न गरिएको छ । जहाँ सहभागीहरुलाई दोस्रो बजारमा कारोबार गर्दा लगानीकर्ताले के-कस्ता विषयमा गल्तीहरु गर्छन ?, के-के कुरामा ध्यान दिनुपर्छ ?, विषयगत तथा प्राविधिक विश्लेषण कसरी गर्ने ? भन्ने विषयमा सुवासचन्द्र भट्टराईले प्रस्तुती दिएका थिए ।
