काठमाडौँ । भारतमा रहेका नेपालीहरुले अब भारतीय सीमकार्ड पाउने भएका छन् । भारतका लागि नेपाली राजदूत डा.शंकरप्रसाद शर्माले सामाजिक सञ्जाल एक्समार्फत अब नेपालीहरुले पनि भारतीय सीमकार्ड पाउने जानकारी दिएका हुन् ।
शर्माका अनुसार यसअघि प्राविधिक कारणले नेपालीहरुले भारतीय सीमकार्ड नपाउने भए पनि अब भने नेपालीहरुले पनि भारतीय सीमकार्ड किन्न पाउने भएका छन् ।
योसँगै अब नेपालीहरुले नेपाली नागरिकता, पासपोर्ट, मतदाता परिचयपत्र लगायतका कागजातका आधारमा भारतीय सीमकार्ड किन्न सक्नेछन् ।
राजदुतावासले औपचारिक अनुरोध गरेको केही हप्तामा भारतमा रहेका नेपालीहरुले नेपाली कागजातका आधारमा सीमकार्ड लिन पाउने निर्णय हुनु खुसीको कुरा भएको डा.शर्माले बताएका छन् ।
