काठमाडौँ । खर्च धान्नै मुस्किल भएपछि टेलिभिजन कार्यक्रम ‘मुद्रेको कमेडी क्लब’ बन्द भएको छ । सामाजिक सञ्जाल फेसबुकका पोष्ट गर्दै ‘मुद्रेको कमेडी क्लब’का होस्ट जितु नेपालले कार्यक्रम बन्द भएको घोषणा गरेका हुन् ।
‘अन्ततः एमसीसी (मुद्रेको कमेडी क्लब)बाट बिदा मागिया, आज अन्तिम भाग । ३ सिजन गरेर १८४ भाग गरिएछ । सबैप्रति आभारी छु । भन्न पर्ने कुरा सबै कार्यक्रममै भनेको छु, एक्कासी बन्द गर्नपर्ने केही कारण चाहिँ भनेको छैन, अहिले पनि भनिन । समय आएपछि भनौँला ।’, उनले फेसबुकमा लेखेका छन् ।
फेसबुक पोष्टमा ‘मुद्रेको कमेडी क्लब’ बन्द गर्नुको कारण नखुलाए पनि उनले खर्च धान्नै मुस्किल भएपछि ‘शो’ बन्द गर्ने घोषणा गरेका हुन् । यद्यपि नयाँ ढंगबाट नयाँ खालको कार्यक्रम ल्याउनेतर्फ पनि उनले संकेत गरेका छन् ।
