काठमाडौं । ग्रील तथा स्टील व्यवसायी महासंघ महिला उपसमितिको अध्यक्षमा विष्णुमाया उचही निर्वाचित भएकी छिन् । महासंघ अन्तर्गतको महिला उपसमितिको सम्पन्न राष्ट्रिय भेला तथा प्रथम अधिवेशनले उचहीको नेतृत्वमा नौ सदस्यीय नयाँ कार्यसमिति चयन गरेको हो ।
उपसमितिको उपाध्यक्षमा रुपन्देहीबाट देवी कार्की, सचिवमा काठमाडौंबाट सर्मिला कार्की (रिमाल), कोषाध्यक्षमा मकवानपुरबाट सरिता प्रधान चयन भएका छन् । यस्तै सदस्यहरुमा सम्झना सिलवाल (चितवन), सृजना भट्टराई (सुनसरी), प्रभा घिमिरे (पश्चिम नवलपरासी), तारा बुढाथोकी (पोखरा), गीता खम्चा (नवलपुर) सर्वसम्मतबाट चयन भएका छन् ।
नवनिर्वाचित अध्यक्ष उचहीले आफ्नो नेतृत्वमा ग्रील तथा स्टील व्यवसायी महासंघमा आवद्ध महिला सदस्यहरुको साझा समितिलाई नयाँ आयामबाट माथि उठाउन प्रतिवद्ध भएर लाग्ने जानकारी दिइन् । उनले समग्र ग्रीलजन्य व्यवसायका सरोकारवाला सबै निकायबाट सहकार्य र सहयोगको अपेक्षा समेत व्यक्त गरेकी छिन् ।
