काठमाडौं । फर्स्ट माइक्रोफाइनान्सले संस्थापक सेयर बिक्रीमा ल्याएको छ । माइक्रोफाइनान्सले फागुन २७ गतेदेखि एक लाख ५० हजार कित्ता संस्थापक सेयर बिक्रीमा ल्याएको हो ।
उक्त सेयरमा जो कोही व्यक्ति, कम्पनी तथा संघसंस्थाहरुले आवेदन दिन सक्ने बिक्री प्रबन्धक मुक्तिनाथ क्यापिटलले जनाएको छ । सो सेयरमा न्युनतम मूल्य प्रतिकित्ता ३१५ रुपैयाँ वा सोभन्दा बढी बोलकबोल गरी आवेदन दिनुपर्नेछ ।
लगानीकर्ताले चैत १२ गतेसम्म आवेदन दिन सक्नेछन् । आवेदन बिक्री प्रबन्धक मुक्तिानाथ क्यापिटल, नारायणचौर, नक्साल काठमाडौंमा पुग्नेगरी दिनुपर्नेछ ।
