काठमाडौं। नेपाल वायुसेवा निगमको वाइडबडी आरए-२३९ उडान नम्बरको जहाजमा समस्या देखिएको छ । बिहीबार काठमाडौंबाट दोहा जाँदै गरेको जहाजमा प्राविधिक समस्या देखिएपछि उडेको ४४ मिनेटमै पुन: काठमाडौं फर्किएको हो ।
दुई सय ६५ यात्रु बोकेर दोहा जाँदै गरेको जहाजको हाइड्रोलिकमा समस्या देखिएपछि काठमाडौं फर्किएको निगमका प्राविधिक प्रवक्ता देवेन्द्र पुनले जनाएका छन् । पुनका अनुसार अल्फा लिमा यंकी (अन्नपूर्ण) को हाइड्रोलिक सिस्टममा समस्या देखिएपछि चालकदलले १२ बजे राति उडेको वाइडबडीलाई काठमाडौं नै फर्काएका हुन् ।
उक्त जहाजमा समस्या देखिएपछि यात्रुलाई राति ३ बजे निगमको अर्को वाइडबडी अल्फा लिमा जुलु (मकालु) जहाजमा पठाइएको थियो ।
