काठमाडौं । युके पठाईदिन्छु भन्दै रकम ठगी गर्ने एक जनालाई प्रहरीले पक्राउ गरेको छ । पक्राउ पर्नेमा प्युठान जिल्ला झिम्रुक गाउँपालिका वडा नं.०६ घर भई हाल काठमाडौं जिल्ला तारकेश्वर नगरपालिका वडा नं. १० मनमैजु बस्ने ३८ वर्षीय दामोदर पोख्रेल रहेका छन् ।

उनलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले फागुन १७ गते सामाखुशीबाट पक्राउ गरेको हो । पोखरेलले सुवास गुरुङलाई वैदेशिक रोजगारीका लागि युके पठाईदिने भन्दै दुई लाख रुपैयाँ ठगी गरेका थिए । उनले आकर्षक तलब हुने प्रलोभन देखाएर रकम ठगी गरी सम्पर्क विहीन भएको प्रहरीले जनाएको छ ।

पक्राउ परेका पोखरेललाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।