काठमाडौँ । प्रहरीले पुण्य गौतम र युवराज सफललाई पक्राउ गरेको छ । त्रिवि शिक्षण अस्पतालमा होहल्ला गरेको र जुलुस लगाएर सार्वजनिक शान्तिमा असर गरेको भन्दै जिल्ला प्रहरी परिसर, काठमाडौँले उनीहरुलाई पक्राउ गरेको हो ।

पक्राउ परेका दुवैजनालाई हाल प्रहरी वृत्त, महाराजगञ्जमा राखिएको छ ।

उनीहरुले चितवनको रत्ननगर नगरपालिका–१० स्थित शिशु निकेतन माविको छात्रावासमा मृत भेटिएकी १४ वर्षीया शालिन पोखरेलको पोष्टमार्टम रिपोर्ट सार्वजनिक गर्न माग गर्दै नाराबाजी गरेका थिए ।