काठमाडौं। वैदेशिक रोजगारीका लागि पोर्चुगल पठाईदिन्छु भन्दै १८ लाख ६४ हजार ठग्ने एक जना पक्राउ परेका छन् । पक्राउ पर्नेमा दाङ जिल्ला लमही नगरपालिका वडा नं. ५ घर भई हाल ललितपुर जिल्ला भैसेँपाटी बस्ने २९ वर्षीय कमल प्रसाद भण्डारी रहेका छन् ।

उनले मन्जु रावत घर्ती मगर सहित दुई जनालाई पोर्चुगल पठाइदिने र पोर्चुगल जान प्रतिव्यक्ति १५ लाख लाग्ने भन्दै ठगी गरेका थिए । भण्डारीलाई काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले फागुन २० गते मिनभवनबाट पक्राउ गरेको हो।

पक्राउ परेका उनलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको छ ।