काठमाडौं । वैदेशिक रोजगारीका लागि रोमानिया पठाईदिन्छु भन्दै एक लाख ठगी गर्ने व्यक्ति पक्राउ परेका छन् । पक्राउ पर्नेमा काठमाडौं जिल्ला तारकेश्वर नगरपालिका वडा नं. १० मनमैजु बस्ने ५६ वर्षीय शेषकान्त शर्मा रहेका छन् ।
उनले तुल बहादुर बलाललाई रोमानिया पठाईदिन्छु, मासिक ९० हजार तलब हुन्छ भन्दै प्रलोभनमा पारेर रकम ठगी गरेका थिए । शर्माले रोमानिया जान प्रतिव्यक्ति सात लाख लाग्ने बताएका थिए ।
उनलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले फागुन २२ गते मिनभवनबाट पक्राउ गरेको हो । पक्राउ परेका शर्मालाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको छ ।
