काठमाडौं । बैंकिङ कसूर मुद्दाका फरार प्रतिवादी पक्राउ परेका छन् । पक्राउ पर्नेमा झापा जिल्ला साबिक अनारमनी गा.वि.स वडा नं. ०१ हाल परिवर्तित बिर्तामोड नगरपालिका वडा नं.६ घर भएका ४२ वर्षीय प्रविण संग्रौला रहेका छन् ।

बैंकिङ कसुर मुद्दामा उच्च अदालत पाटनले मिति २०८०/०१/१५ गते सात दिन कैद, २१ लाख रुपैयाँ बिगो जरिवाना र ८४ हजार क्षतिपूर्ति भराउने फैसला गरेपछि उनी फरार भएका थिए ।

उनलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले फागुन २७ गते सुन्धाराबाट पक्राउ गरेको हो । पक्राउ परेका संग्रौलालाई फैसला कार्यान्वयनका लागि ललितपुर जिल्ला अदालत लगनखेल पठाईएको छ ।