काठमाडौं । बैंकिङ कसुर मुद्धाका फरार प्रतिवादी पक्राउ परेका छन् । पक्राउ पर्नेमा दोलखा जिल्ला जिरी नगरपालिका वडा नं. ३ घर भई हाल काठमाडौं महानगरपालिका वडा नं. ३२ तिनकुने बस्ने ४१ वर्षीय शिव बहादुर खड्का रहेका छन् ।
उच्च अदालत पाटनले बैंकिङ कसुर (मु.द.नं. ०७८-CB-०४४७) मुद्दामा २ दिन कैद र ९ लाख ९० हजार रुपैयाँ बिगो भराई, बिगो बमोजिम ९ लाख ९० हजार रुपैयाँ जरिवाना तथा क्षतिपुर्ति बापत पिडित राहत कोषमा ३९ हजार ६ सय रुपैयाँ जम्मा गराउने फैसला गरेपछि उनी फरार भएका थिए ।
उनलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले चैत १४ गते ग्वार्कोबाट पक्राउ गरेको हो । पक्राउ परेका खड्कालाई फैसला कार्यान्वयनको लागि ललितपुर जिल्ला अदालत लगनखेल पठाईएको छ ।
