काठमाडौँ । प्रधानमन्त्री पुष्पकमल दाहाल (प्रचण्ड)ले अर्थ मन्त्रालय राष्ट्रिय स्वतन्त्र पार्टी (रास्वपा)लाई दिने प्रस्ताव अघि सारेका छन् । पूरानो गठबन्धन भत्किएसँगै नयाँ मन्त्रिपरिषद् विस्तारको तयारीमा लागेका प्रचण्डले यस्तो प्रस्ताव ल्याएका हुन् ।
यसअघिसम्म प्रधानमन्त्री प्रचण्ड कुनै पनि हालतमा अर्थ आफ्नो भागमा राख्ने अडानमा थिए भने रास्वपाले गृहमा आफ्नो दाबी नछोड्ने निर्णय गरेको थियो ।
तर, प्रधानमन्त्रीले गृहमा नारायणकाजी श्रेष्ठलाई नै निरन्तरता दिने, बरु अर्थ मन्त्रालय रास्वपालाई दिने प्रस्ताव अघि सारेको प्रधानमन्त्री स्रोतले बताएका छ । यद्यपि रास्वपाले भने आफ्नो दाबी गृहमै गर्ने निर्णय सचिवालय बैठकबाटै गरिसकेको छ । उक्त विषयमा दुई पार्टीबीच आन्तरिक छलफल चलिरहेको बुझिएको छ ।
